Hikayat 24 Thon Serambi (3)

Thon 2006 bak buleuen Juli.....
Pinah kemari ngon suka-ria.......
Mandum karyawan setiap hari.....
Poh lapan pagi..tamong keurija....

Tiep bagian kama sendiri....
Cukop kurusi atawa meja.....
Macam fasilitas jinoe kameuri......
AC  meuriti bak tiep-tiep kama

Meusen cetak sistem rotasi....
Lhee pat berdiri..di Lhok -Blang Pidie atawa Banda...
Cetak komersil katrep berdiri....
Ditamah lagi ngon toko Zikra...

Di dalam kanto moto meuriti....
Dari CRV trok bak Avanza
Roda dua bek le tasudi.......
Han lot lokasi bak peudong honda....

Jinoe di kanto na CCTV....
FM Serambi meusyuhu nama.....
Soai kesehatan kana asuransi....
Bah saket gigi atawa mata....
Cuma hanjeuet le peupalsu kwitansi....
Jiba bak pulisi payah tahei ma…..

Keukanto Serambi laen lon rawi….
Peujabat kajadi bak bagian nyang na…
Bapak M Din PP Serambi…
Gobnyan that ahli bak kira laba…

Diabang Teguh dilee bak TI…
Jinoe advertensi gob nyan keupala
Tiep-tiep uroe gabuek han sakri….
FM Serambi gobnyan nyang kira…
Geupeugot lobi bak keude kupi
Nyang hana tuwo bak warong RA

Kepala Keuangan na abang Budi……
Gobnyan that ahli bak kira angka…
Zaenal Rahim geumat kwitansi…
Kadarah tinggi bak kutep dana….
Meunyo wartawan nyang theun kwitansi….
Han geujeut sudi takot ditampa…

Abang Saiful manajer sirkulasi …
Bak saban pagi koran geukira..
Gob nyan geubantu le kak Afni…..
Kana bang Ariel operasi di kota…
Abang Rahman jeumot sekali…..
Pat-pat kanduri gobnyan cit kana….

Dibapak Elizar susah tacari ..
Sibuk sekali bak geukirija……
Mandum urosan gobnyan realisasi …
Umum dan HR -DI gobnyan keupala

Untongna bang Mahfud bagian membeli….
Setiap hari lam keude Cina…

Bak PSDM kana bang Fahmi ….
Cuti ngon frekuensi gobnyan yang jaga
Bapak Lailun  ureung that dendi…
Ngon adek Etty peutimang Zikra….
Lampadum uroenyoe sibuk sekali…
Keuneuk geu rasmi nyan New Zikra….

Abang Firdaus carong akutansi…..
Geumat kundali nyan cetak warna
Ungkot limbek gobnyan that rasi….
Saboh beulidi geutakat saja……

Abang Fauzan bak cetak rotasi….
Carong that akhi bak ato warna…..
Gobnyan keurija bak malam hari…….
Meurumpok ngon istri cit uroe saja…

Abang Jafar geumat promosi…..
Bhaih jalan gaki geupeugot lomba…
Badan raya besar dan tinggi….
Meunyo berkelahi hana peue ta cuba….

Serambi FM na Ibu Nani…urosan produksi gobnya kepala
Hantom tuwo iklan Majakani ….
Ubat yang rasi keukawom wanita…..

Bacut lon peugah keu sikuriti…….
Abang Jumadi geuboh keupala
Geureugam HT cit tiep hari..  
Gobnyan saban hi  lagee tantra…

Nyan numboi dua abang Jailani….
Badan geuh tinggi lagee Beulanda
Meunyo ta tanyong bak frekusensi….
Jawueb meuanoe pasi mandum anggota…

Di abang Buyong…Allahurabbi…
Moto relasi cit geulet saja…
Ureueng geu hek-hek ngon mata teublie…..
Hantom na teukhem meusigo saja…

Jinoe lon peugah bagian Redaksi……
Bapak Mawardi gobnyan kepala…
Jareueng that-that geutamong pagi…
Oh malam hari di rumoh meujaga….

Dibabang Nase Pimpro redaksi…..
Bahasa ingreh ahli, cit hana dua..
Meunyo na troh Inggreh nyang asli…..
Laju geucari pinto keuluwa…

Abang Zenal pageue redaksi….
Berita peulitek gobnyan yang jaga….
Sabe teulat bak rapat pagi…
Jak intat sinyak ti ubak sikula…

Abang Yarmen ngon Abang Asnawi
Peunyunteng ahli awak nyan mandua..
Teuma bang Yarmen bahasa that ahli
Ditambah lagi urosan hukom pidana…

Di Abang Isma-e jaga produksi ..
Oh malam hari peuleumah jeuem saja…
Abang Herianto murah that hati……
Boh gluk tiep hari gobnyan seudia…

Yang tukang bagi kana bang Jailani……
Awai geusom lam laci meusikrek dua….
Abang Nurdin Syam senior sekali….
Geumat redaksi koran Prohaba..

Gobnyan sibok that Keutua Koporasi…
Dana aspirasi geupeulet saja….
Abang Misbah ureung Koniri…..
Bak rapat pagi jeumot that teuka….

Allahhu Rabbon Allahu Rabbi….
Soai redaksi sekian saja…
Hanmeujan habeh mandum lon rawi….
Lon takot han tamat sampoe oh lusa….

Meunan syeidara 24 thon Serambi…….
Ngon suka hati ulon calitra…  
Leubeh nibaknya wahe e saidi.....
Nibak Ilahi sabe meudoa....

Beu le tasyuko peu-peue Allah bri.....
Jalan raseuki cit na na saja.......
Madum ta doa maju Serambi ….
Lindongan Ilahi tanyoe sijahtra….

Oh noe keuh saja  haba lon rawi……
Bek saket hati meyo leopah kata..
Hana lon maksud peusaket hati…….
Malenkan pasti keugura-gura….

Uroenyoe bacut  ta pajoh kanduri….
Beureukat keu serambi 24 thon usia…
Tapi bek neuwoe abeh kanduri …
Ta deungo Pak Mawardi lagu India……..

Banda Aceh, 09 Februari 2013
Wassalamualaikum WW