VIDEO POPULER BAHASA ACEH Pelaku Poh Inong, Haji Subarni Bangun Masjid, Sidang Nelayan Pusong

SERAMBINEWS.COM - Syedara lon, lagee biasa nibak uro Senin, tanyoe ta bahas mengenai video populer bak Serambi on TV, yang na di YouTube, Facebook, Instagram, ngen TikTok.

Video populer bahasa Aceh nyoe nakeuh pembahasan video yang le dikalon lee masyarakat tentang berita lam nanggroe Aceh.

Video yang phon tentang pulisi geudrop ureung yang poh sidroe ureung inong yang mayet jih diteumeung lam uteun di Aceh Timu.

NEU TEUGON DI SINOE UNTUK BACA BERITA LEUNGKAP  

Bacut taulas, awak Satuan Reskrim Polres Aceh Timur geudrop pelaku yang poh sidroe ureng inong yang nan geuh Asrawati (35).

Mayet Kak Wati diteumeung lam uteun di Dusun Suka Makmu, Gampong Seunebok Bayu, Kecamatan Banda Alam, Kabupaten Aceh Timur, Jumat (14/1/2022).

Lheuh disidek le plisi, Kak Asrawati nyoe ternyata dipoh le sidroe ureung agam, nan singkat geuh MJ, umu 58 thon, alamat Dusun Rukun, Gampong Seuneubok Pango, Aceh Timur.

Pelaku jidrop bak neuheun di Simpang Ulim, uroe Minggu (16/1/2022).

Watee keumeung jidrop, di apa MJ nyoe geumeulawan.

Sabab nyan plisi geutimbak teuk bak gaki MJ, supaya bek plueng, meunan geupeugah le pejabat plisi.

Hase sidek sementara, MJ geupoh Kak Wati karena Kak Wati gelakee tangong jaweub MJ yang ka geupeumeumee gaknyan.

Dipeugah umu kandungan ka lhee bulen.

Innalillahi wa innailaihi rajiun. 

Sama-sama tameudoa, semoga Allah peujuoh geutanyoe dari buet buet lagee nyoe rupa. Aamiin.

Haji Subarni Peugot Masjid

Video yang kedua tentang Haji Subarni geupeugot atawa geubangun masjid di Bireuen.

NEUTEUGON DI SINOE MEUNYO NEUK BACA BERITA LENGKAP 

Haji Subarni nyoe nakeuh sidroe tokoh dan syir pengusaha sukses asai Bireuen.

Baro-baro nyoe, Haji Subarni geupeugot buet yang cukup jroh, yaitu gebangun saboh masjid yang kemudian geuboh nan Masjid Nurullah.

Masjid ukuran 18x20 mete nyoe gebangun di Gampong Buket Sudan, Peusangan Krueng Bireuen.

Aleh pakon nan gampong nyan Buket Sudan, nyan payah tatelusuri nibak watee laen.

Geubangun sejak Agustus 2020 masjid nyoe geurasmi le Bupati Bireuen Muzakkar A Gani nibak uro Jumat (21/1/2022).

Keluarga H Subarni, unsur Forkopimda, pejabat, kepala dinas, camat, kapolsek, Danposramil, dan masyarakat rame, saban-saban geujak bak acara perasmian rumoh Allah nyoe.

H Subarni geukheun bak Serambi, awai masyarakat geulake bangun pondasi masjid manteng, tapi karena geukalon kondisi bak sang han selesai, maka gobnyan geucok inisiatif geubangun masjid beusampe seuleusoe di ateuh tanoh wakaf masyarakat.

Alhamdulillah, nyoe beujeut keu contoh keu geutanyoe bandum.

Tameudoa keu Haji Subarni dan bandum ureung yang ka geubangun rumoh Allah beujeut keu asoe syuruga. Aamin

Sidang Suntik Mate

Video yang keu lhee' nakeuh tentang sidang keudua ureung meulaot atawa nelayan di Pusong Lhokseumawe

NEUCHI TEUGON DI SINOE SIGO, KADANG NA BERITA LENGKAP 

Tapi meunan, taulas syit bacut.

Nyoe nakeuh berita sidang yang keudua di Pengadilan Negeri Lhokseumawe suntik mate yang geulakee le Nazaruddin (59).

Sidang nyan geupimpin lhee hakim Budi Sunanda, dimulai bak poh 10.00 WIB.

Lam sidang nyoe, hakim geutanyong bak saksi peu tujuan geulakee suntik droe geuh sampe mate?.

Peukara nyoe sang kureung pah tapeugah le that, lubeh pah neubaca laju bak link berita di ateuh bunoe. 

Editor : Syamsul Azman

TERKAIT

Baca juga: VIDEO POPULER BAHASA ACEH, Wanita di Kebun Kopi, Boat Nelayan Hancur Hingga Rumah Wartawan Serambi

Baca juga: VIDEO POPULER BAHASA ACEH Goa Sarang Walet, Banjir Aceh Utara dan Haji Uma Salurkan Bantuan

Baca juga: VIDEO POPULER BAHASA ACEH Jalan Ekstrim, Pemerkosa Ditangkap, Haji Uma di Lokasi Mobil Masuk Jurang