VIDEO - Jembatan Kutablang Karap Lheuh 50 Persen

SERAMBINEWS.COM - SYEDARA Lon, pembangunan tutue rangka baja permanen Krueng Tingkeum di Kecamatan Kutablang, Kabupaten Bireuen, geuharap akan seuleusoe nibak buleun Agustus thon 2026 nyoe.
  
Info yang kamoe teurimong dari awak peugot tutue nyan, hingga Jumuat tanggal 15 Mei 2026, progress pembangunan tutue nyan ka lubeh 46 persen. 

Saat nyoe, proyek nyoe ka ditamong bak tahap cor pile cap seubagoe penghubung dari tiang-tiang tutue. 
 
Wartawan Serambinews.com di Bireuen, Yusmandin Idris geulaporkan bahwa ulee tutue blah barat pih kalheuh dibangun dan jinoe teungoh ditambak ngen tanoh.  

Sementara tiang teungah tutue atawa pile cap nyang keu dua pih kalheuh dibangun dan jinoe ka lam proses pengecoran.  

Uleetutue blah rot timu pih kasiap untuk dicor dan kemudian jitambak ngen tanoh.  

Watee uroe hameh nyan, Bang Yusmandin geukalon langsong moto beko dan awak kerja bandum sibok kerja, walaupun kondisi agak lichek karena banlheuh ujeun brat watee malam.  

Pejabat Pembuat Komitmen (PPK) 1.3 Provinsi Aceh, Isnanda, geupeugah, lheuh pengecoran pile cap tiang ke dua, buet akan geulanjut untuk pasang busoe dan cor uleetutue blah timu. 
 
Guepeugah le Isnanda, uleetutue blah timu memang gohlom lheuh sireutoh persen, meutapi ureung nyan akan segera geupasang rangka tutue dari ulee jembatan blah barat keu tiang keu dua yang na lam krueng. 
 
Meunyo takalon progress saat nyoe, maka wajar meunyo proyek nyoe akan seleusoe pada buleun Agustus thon nyoe. 

Geupeugah lom le Isnanda, saat nyoe awak kerja dikerja uroe malam karena baroesa rap siploh uroe hanjeut dikerja kareuna ie raya.  

Mudah-mudahan ukeu hana kejadian ie raya dan ujeun brat, sehingga hana meuganggu kerja, meunan geupeugah le Isnanda.  
 
Wartawan Serambinews.com di Bireuen juga geulaporkan nyang bahwa, seulama jembatan baro nyoe mantong lam proses pembangunan, tutue kutablang teutap berlaku sistem buka dan top, maseng-maseng, sijeum dari arah Medan, dan sijeum dari arah Banda Aceh. 
 
Nibak uroe Jumuat baroesa, Kapolres Bireuen, AKBP Tuschad Cipta Herdani melalui Kasat Lantas, AKP Irwansyah Nasution, geuharapkan ureung yang neuk lewat tutue nyan beusumateh dan beurayek saba preh antrean.  

Kasat Lantas geujeulaskan nyang bahwa hase duek pakat ngen dinas meukayet, dan juga geukalon kondisi di lapangan, meunyo sistem buka top nyoe dilakukan sekitar 30 meunet dari tiep arah, maka antrean akan semakin panyang.  

Karena, watee lam 30 meunet nyan hanya padum-padum boh moto sagai jeut lewat, meusebab ureung ba moto harus hati-hati that watee di lewat jembatan darurat atawa bailey, roet blah timu.  

Lom pih, watee moto tronton dan moto minyeuk sawet lewat, hanjeut meuikot ikot, meutapi harus saboh saboh. 

Makajih hase duek pakat dicok kesimpulan, sistem buka top bak tutue nyan harus sijeum sigo.  

Laen nibak nyan, petugas di lapangan pih akan teugaih geucegah bek sampe na moto yang menerobos antrean.  
Menurut geukalon le petugas Satlantas Polres Bireuen, seulama nyoe mantong na moto yang dihok hok terobos antren, terutama nyang dari arah Medan.  

Mencegah hai nyoe, pulisi ka geulakee bantu bak Dinas Perhubungan untuk geutamah sekitar 30 unit water barrier untuk dipasang meuriti bak teungoh jalan hingga 100 mete.  

Meunyo na moto yang coba koh antrean, akan langsung geutindak le petugas dan juga masyarakat di kawasan nyan. 
 
Syedara Lon, meunan update sementara tentang tutue Kutablang yang kamoe teurimong dari wartawan kamoe di Bireuen, Yusmandin Idris.  

Tameudoa tutue nyoe beubagah lheuh, supaya hana kendala le bak jalan. 

Bek tuwo neuseutot kamoe, ngen cara neuteugon tombol like dan subscribe di miyub nyoe, untuk neu update sabe berita dari nanggroe. Wassalamualaikum warahmatullahi wabarakatuh. (*)