VIDEO - Israel Ka Jidrop Lom Dua Relawan Asai Indonesia

SERAMBINEWS.COM – Tentra Israel atawa IDF dipeugah ka jidrop lom dua droe relawan asai Nanggroe Indonesia.

Bandua droe awak Indonesia nyoe jidrop le IDF nibak uroe Selasa tanggai 19 Mei 2026, lam kapai ba bantuan Zafiro di laot toe Gaza, Palestina.

Dua droe relawan asai Indonesia nyoe, nyakni Herman Budianto Sudarsono dan Ronggo Wirasanu, nakeuh bagian dari relawan donya nyang na lam kapai me bantuan nyan.

Haba nyoe geukonfirmasi le Global Sumud Fotilla melalui akun Instragram awak nyan. Akun nyan pih ji puduek video watee tentra Israel jiek lam kapai dan ji tunyok bude ateuh relawan nyang na lam kapai nyan.

Lam video nyan, awak relawan nyang na lam kapai langsong geu beuot jaroe, hana meulawan.

Watee jidrop le tentra Israel, kapai nyoe syit bacut treuk katroh u Gaza, kira-kira sekitar siteungoh jeum teuk dari Tanoh Gaza.

Segohlomjih, nibak uroe Senin tanggal 18 Mei 2026, tentra Israel na syit jidrop kapai ba bantuan u Gaza.

Lam kapai nyan na kira-kira sikureung droe relawan asai Indonesia, teumasok wartawan dari Republika ngon Tempo.

Ulee Redaksi Republika, Andi Muhyiddin geupeugah, dua droe wartawan nyang jidrop le Israel nyan nakeuh Bambang ngon Thoudy.

Bah pih ka dipeugah droe jih wartawan, awak nyan tetap han dipeulheuh le tantra Israel. Geupeugah le Andi Muhyiddin, segolom jidrop, Bambang sempat ji kirem peusan ‘SOS’ keu gobnyan.

Nyan keuh video paleng akhe nyang dikirem le Bambang, lheuh nyan HP diboeh laju u laot, meunan geupeugah le Andi Muhyiddin.

Geupeugah lom, peusan "SOS" nyan nakeuh saboh protokol, makna jih video nyan akan ji kirem sigohlom ji cegat le Israel dan hp nyan ji rhom u laot.

Haba yang kamoe langse bak Tribun Video, Peudana Meuntro Israel Benyamin Netanyahu dipujoe keurija Angkatan Laot Israel nyang ka jidrop kapai-kapai ba bantuan keu ureung teuanianya di Gaza.

Meunurot Netanyahu, misi ba bantuan kemanusiaan keu ureung teuaniaya di Gaza, nakeuh saboh geurombolan nyang dikeuneuk bri bantuan keu awak Hamas di Gaza.

Di lua nibak nyan, Kementerian Lua Nanggroe Indonesia geupeugah ka geupeugot strategi darurat untuk geupeubibeuh limong droe warga Indonesia nyang ji drop le Israel.

Keupala Staf Presiden, Pensiunan Jeundral Dudung Abdurachman, geupeugah bahwa poprintah Indonesia jinoe teungoh geupeugot koordinasi ngon padum-padum boh misi diplomatik Indonesia di Timu Teungoh ngon Eropa.

Kementerian Lua Nanggroe teungoh geupeusiap padum-padum boh langkah peuneugah untuk geujaga relawan Indonesia.

Di antara langkah yang dipeugot nakeuh, lagee akan geupeuteubiet Dokumen Perjalanan Pengganti Paspor (SPLP) meunyo dokumen warga Indonesia dicok le Israel.

Laen nibak nyan lom akan geubri bantuan meuubat darurat meunyo na nyang cidra, bantuan diplomatik, dan koordinasi akses piyoh dan bantuan imigrasi untuk bisa puwoe ureung nyan dari nanggroe Israel. (*)

Editor: Aldi Rani
VO: Amirullah

Baca juga: VIDEO BAHASA ACEH L300 Terobos Banjir, Polres Lhokseumawe Susuri Sungai dan Mensos di Kuala Simpang

Baca juga: IDF Cegat Seluruh Armada Global Sumud, 430 Aktivis Dibawa ke Israel, 9 WNI dan Jurnalis Ikut Ditahan

Baca juga: Warga Iran Ikuti Pelatihan Militer Sipil di Teheran Persiapan Lawan AS-Israel