VIDEO - Pulisi Abdya Geudrop Awak Baplueng Aneuk Miet Gob

SERAMBINEWS.COM – Pulisi bak Satuan Reserse Kriminal atawa Reskrim Polres Aceh Barat Daya (Abdya) yang geupimpin le KBO Reskrim Ipda Safrizal, ka geudrop sidroe ureung yang ditudoh baplueng aneuk dara gob.

Agam yang ditudoh landok nyan, disingkat nanjih BP, umu 20 thon, na keuh awak Gampong Siofabanua, Kecamatan Bawolato, Kabupaten Nias, Provinsi Sumatera Utara.

Haba nyoe geupeusampoe le Wakapolres Abdya Kompol Misyanto ngon Kasat Reskrim AKP Wahyudi, dan KBO Reskrim Ipda Safrizal, nibak wartawan lam Konferensi Pers, di Mapolres Abdya, di Blangpidie, uroe Seulasa (19/5/2026) baroe.

Misyanto geupeugah, buet nyoe geutangani le pulisi lheuh geuteurimong laporan dari ayah kandong aneuk dara nyang dibaplueng nyan, nibak tanggai 12 November 2025.

Ayah aneuk dara nyoe gelapor bahwa aneuk dara gaknyan nyang mantong manyak atawa di bawah umur, ka dibaplueng le sidroe aneuk agam.

Watee galapor nyan, ayah aneuk dara nyan geupeugah aneuk gaknyan ka sibuleun lubeh hana diwoe.

Menurut haba geuteumeung bak ureung, si gam nyan dibri haba mangat ke aneuk dara nyoe, sehingga nibak tanggai 17 Oktober 2025, hase dibaplueng u Medan.

Lheuh geutelusuri le pulisi, geuteumeung info, bahwa awak nyan, sempat dua minggu ditinggai bak kos di Medan.

Lhueh nyan, aneuk dara nyoe diba u gampong aneuk agam nyan u blahdeh laot, nyakni u Siofabanua, Kecamatan Bawolato, Kabupaten Nias.

Lheuh lhee buleun ditinggai di gampong nyan, aneuk dara nyoe jinoe ka meungandong.

Lam keterangan di keu wartawan di Blangpidie, Seulasa baroe, Kasat Reskrim Polres Abdya AKP Wahyudi SH MH geupeugah, lumanyan brat perjuangan pulisi watee dijak drop aneuk agam nyang baplueng aneuk dara nyoe, meusebab beda suku dan wilayah.

Wahyudi geupeugah, ureung nyan geukoordinasi dengan Polres Nias dan geukirem mengirim ureung mita informasi u Gampong Sepaku.

Watee bandum ka bereh dan pulisi ka siap jak drop, mantong syit na kendala. 

Meureutoh droe awak gampong nyan dijak u teumpat si gam nyan, dimeulakee pulisi bek jidrop jih.
 
Tapi, seubagoe peuneugah hukom, pulisi tetap geupeujak amanah untuk drop sigam nyan. 

Jinoe, aneuk agam nyan beuserta bukti lagee bajee sikola aneuk dara nyoe, ka geupeuaman di Mapolres Abdya, keu peusidek lubeh lanjot.

Lam kesempatan bak konferensi pers nyan, kumandan pulisi Abdya geumeuharap bak masyarakat Abdya beu geujaga ngen get aneuk miet, supaya jroh sabe udep geutanyoe bandum. (*)

Host   : Rianza Alfandi
Editor : Rahmat Erik Aulia