VIDEO - DPR RI Ka Geuteurimong Usulan Revisi UUPA

SERAMBINEWS.COM, BANDA ACEH - Assalamualaikum Syedara Lon. Yang keu phon, neupizin kamoe di redaksi meu ucap selamat Uroe Raya Idul Adha 1447 Hijriah. 

Kamoe meulakee muah lahe ngen baten, disertai doa, untuk yang na di Tanoh Suci semoga sehat bandum dan beumereumpok pahala haji mabrur. 

Sementara bagi geutanyoe yang gohlom atau hana jak haji nibak thon nyoe, semoga Allah geuteurimong amalan dan ibadah qurbeun geutanyoe ban bandum. 

Beu geupeumudah raseuki, beu tateumeung ek u haji geutanyoe banmandum. Aamiin.

Syedara Lon, uroe nyoe kamo ba saboh haba lagak dari Kompleks Parlemen Senayan, Jakarta. 

Badan Legislatif (Baleg) DPR RI ka resmi geusetujui revisi Undang-Undang Nomor 11 Tahun 2006 Tentang Pemerintahan Aceh atau UUPA jeut keu rancangan undang-undang (RUU) usul inisiatif DPR.

Bandum fraksi peurte pulitek nyang na di DPR seupakat geudukung peukara nyoe. 

Peuneutoh nyoe dicok saban-saban le para anggota Baleg DPR RI lam Rapat Pleno Pengambilan Keputusan Atas Hasil Penyusunan RUU Tentang Pemerintahan Aceh, bak ruang rapat Baleg DPR RI, di Jakarta, Selasa (26/5/2026) baroe.

Meunan geupeugah le Ketuha Baleg DPR RI, Bob Hasan, lagee kamoe kutip nibak kanal Youtube TVR Parlemen milek DPR RI.  

Geupeugah le Bob Hasan, pembahasan revisi UUPA nyoe ka sep that geutilek roet bandum sisi, semenjak thon 2025 dan baro lheuh nibak teungoh thon 2026 nyoe. 

Teurimonggaseh keu geutanyoe bandum. Lheuh sithon, jinoe ka seuleusoe buet nyoe, meunan geupeugah le Bob Hasan.

Lheuh disetujui le rapat Baleg, bandum perwakilan Fraksi DPR RI geuteken draft RUU Tentang Perubahan Undang-Undang Nomor 11 Tahun 2006 Tentang Pemerintahan Aceh.

Fraksi-fraksi DPR RI yang setuju draf revisi UUPA untuk segera dibahas di tahap selanjut jih, nakeuh Fraksi PDI Perjuangan, Fraksi Gerindra, Fraksi PKB, Fraksi Demokrat, dan Fraksi PAN.

Sementara lhee boh fraksi teuk, nyakni Fraksi Golkar, Fraksi NasDem, dan Fraksi PKS, setuju syit bahwa draf revisi UUPA perlu bagah dibahas, meutapi ureung nyan na geubri padum-padum boh catatan, untuk Aceh nyang lubeh get ukeu. 

Ketua Forum Bersama (Forbes) DPR RI asal Aceh, Teuku A Khalid atawa Ampon Khaled, geuucapkan syukur Alhamdulillah ateuh peuneutoh nyoe.