VIDEO Berita Lam Bahasa Aceh, Seumarak Idul Adha Ureung Aceh di Amerika

SERAMBINEWS.COM, HARRISBURG – Assalamualaikum Syedara Lon. Teurimonggaseh ka neusaweu kamoe lam program Berita Lam Bahasa Aceh.

Uroe nyoe kamoe meuba saboh haba yang cukop jroh dari nanggroe Amerika Syarikat. 

Urueng Aceh yang tinggai di Amerika, khusus jih di Kota Harrisburg, Pennsylvania, geurayakan uroe raya Idul Adha 1447 Hijriah dengan seumarak.

Nibak uroe Rabu, tanggai 27 Mei 2026 baroesa, urueng Aceh meugabong ngen meuribee ureung Islam nyang troh dari meubagoe wilayah di Negara Bagian Pennsylvania, untuk geujak sumayang uroe raya Idul Adha, di Giant Expo Hall, Pennsylvania Farm Show Complex.

Baca juga: VIDEO Halal Bihalal 1447 H Kampung Aceh Harrisburg, Hangatnya Silaturahmi di Negeri Rantau

Walapun meubeda-beda asai negara, bandum ureung Islam nyoe sangat kompak lam geupeujak buet agama nyang geukoordinir le Central Pennsylvania Committee of Masajids (CPCOM).

Organisasi nyoe geupepayong komunitas dan masjid lam wilayah Harrisburg dan sekitar jih.
Lagee ISGH, Masjid Al-Sabereen, Hershey Islamic Center, ICP, Masjid Al-Nur, serta masjid-masjid laen nyang na lam kawasan Harrisburg.

Saboh momen yang cukop ceudah dan meunarek perhatian jamaah nakeuh watee Tgk Musdar, Presiden Aceh Community Centre, geupimpin takbir Idul Adha.

Lagee thon yang ka lupah, uroe raya Idul Adha di Kampung Aceh Harrisburg, geupeusaneut lagee uroe raya di gampong gampong di Nanggroe Aceh Darussalam.

Macam ragam makanan dan ie jep lagee di Aceh, geusedikan bak rumoh Tgk Hanafiah, salah sidroe tokoh sekaligus urueng tuha masyarakat Aceh di Harrisburg, Pennsylvania, Amerika Syarikat. 

Seulaen ureung Aceh yang meurantoe dan jinoe meu udep di Amerika, nibak uroe raya Idul Adha kalinyoe, na syit troh jamee mahasiswa asal Indonesia yang teungoh jak sikula pascasarjana di Indiana University Bloomington. 

Di antara awak nyan, nakeuh Fadlia asai Kota Langsa nyang teungoh geutempuh program PhD in Education, serta Farah Fianda dan Pangeran Fajar yang nyang teungoh geujak sikula Master of Public Affairs. 

Banlhee ureung nyan geujak sikula ateuh program beasiswa dari Pemerintah Indonesia.

Syedara Lon, jinoe tasimak laporan kontributor Serambinews.com di Amerika, Tgk Iqbal, dari Kampung Aceh Harrisburg Amerika Syarikat. 

Lam video nyoe, Tgk Iqbal juga secara khusus geuwawancara Tgk Musdar Tgk Hanafiah.(*)