VIDEO Poprintah Banda Aceh Ka Geulheup Kios Hana Ijin di Rukoh

SERAMBINEWS.COM, BANDA ACEH – Uroe nyoe kamoe ba saboh berita dari Kutaraja atawa nyang taturi Banda Aceh, nyakni Peumerintah Kota Banda Aceh geu utoh Satpol PP dan WH untuk geulhoh 120 boh keude hana meuizin yang dipeudong di ataeuh alue lam lingka rauh Gampong Rukoh, Kecamatan Syiah Kuala, Sabtu (6/6/2026).

Meunurot nyang takalon bak lokasi, saboh beko raya ikot geupeutron untuk geulhoh keude hana meuizin nyang toe pageu Kampus Universitas Syiah Kuala (USK) nyan.

Peutuha Satpol PP-WH Kota Banda Aceh, Muhammad Rizal, geupeugah keude nyang geulhoh nyoe na keuh keude hana meuizin, leuh nyan dipeudong bak lingka geularang, nyakni di ateuh alue.

Menurot Rizal, but nyoe geupejak le ureng nyan na keuh untuk geu peuguna lom alue ngon jalan bak buet droe. 

Baca juga: Satpol PP-WH Banda Aceh Tahan Tersangka Kasus Khalwat dan Batalkan Penangguhan, Ini Pejelasan Kasat

Rizal geu peuteugas, but geulhoh keude nyoe kon geupeu jak asai kana. Peumeurintah ka dari awai ka cukop kayem bak geu peuingat. Mulai dari peuneuleh haba sampoe geubi surat peuingat bak nyang poe keude.

Leubeh bak nyan, Rizal gepeugah, bahwasajih keuchik ngon camat lam kawasan nyan katrep jipeutubit surat, geulake bak peumeurintah beu geulhoh keude-keude hana meu izin nyan.

Proses geuloh keude bak lingka nyan cukop mulah, tan na rumpoe keude nyang proteh atawa beungeh.

Rizal geupeugah, cara peugah haba ngon meubujok nyan geupubut le Peumeurintah lawet nyoe jeut keu saboh cara nyang geuteurimong le nyang poe keude. Seuhingga hana nyang beungeh wate geupejak buet.

Rizal geu meutu’oh, untuk naseb awak meukat, peumeurintah Banda Aceh hana akan geupeusiap teumpat meukat baroe. Meuneurot ureng nyan, awak meukat cit ka dari awai phon geu peudong keude bak lingka dilarang.

Bah pih meunan, Rizal cukop yakin awak meukat ka geu peusiap teumpat laen untuk geumeukat keulai. Seubab awak nyan ka dari awai geuteupeu nibak saboh wate keude nyan akan geulhoh.