VIDEO Berita Lam Bahasa Aceh - Dr. Asfifuddin Teupileh Seubagoe Keutuha Keluarga Ureung Pidie

SERAMBINEWS.COM, JAKARTA – Assalamualaikum Syedara Lon. Sabah meuluwah raya ka neusaweu kamoe lam program “Berita Lam Bahasa Aceh” di Serambinews.com. 

Uroe nyoe kamoe ba saboh haba yang cukop jroh dari ureung Pidie yang na lam ranto di Jakarta dan sekitar jih.

Urueng Pidie yang na di ranto nyoe, geumeusaboh droe geuh lam organisasi nyang geuboeh nan KUPI atawa Keluarga Ureung Pidie.

Uroe nyoe, Aleuhad tanggal 14 Juni 2026, ureung KUPI geupeugot musyawarah rayeuk untuk pileh keutuha baro. 

Acara yang geupeugot di Wisma Pengurus Pusat Taman Iskandar Muda (PP TIM) Jakarta nyoe, geubuka le Waki Bupati Pidie, Alzaizi, ngen Keutuha Dewan Perwakilan Rakyat Kabupaten (DPRK) Pidie, Anwar Sastra Putra, SH.

Baca juga: Perkuat Ukhuwah, Keluarga Ureung Pidie di Jabodetabek Gelar Buka Puasa Bersama di Balee KUPI

Watee pileh keutuha, hanya na saboh nan nyang muncul seubagoe calon, nyakni Dr. H Asfifuddin, SH, MH.

Beliau nyoe na keuh sidroe tokoh hukom sekaligus akademisi nasional yang asai geuh dari Laweung, Kecamatan Muara Tiga, Pidie.

Jadi, Dr. Asfifuddin teupileh secara mutlak alias aklamasi, karena bandum peserta Mubes KUPI seupakat jok mandat bak beliau untuk peujak organisasi nyoe seulama limong thon ukeu. 
Lam pidato lheuh teupileh, Dr. Asfifuddin geuucap syukur dan teurimonggaseh nyang that lambong atauh amanah yang geupeuseuon le Keluarga Ureung Pidie di ranto nyoe. 

Gaknyan geupeuteugah kominten untuk geupeukong taloe silaturahim dan buet-buet nyang jroh, untuk warga Pidie di ranto maupun di gampong, juga untuk Aceh secara umum.