Video
VIDEO Populer Lam Nanggroe Minggu Nyoe, Kisah Bule Mualaf, Hingga Musibah Awak Mita Sarang Burung
Syedara Lon, uroe nyoe getanyoe tabahas lhee boh video yang paleng rame ditonton nibak Channel Youtube Serambi On TV, lam minggu nyoe.
Penulis: Syamsul Azman | Editor: Zaenal
SERAMBINEWS.COM - Syedara Lon, uroe nyoe getanyoe tabahas lhee boh video yang paleng rame ditonton nibak Channel Youtube Serambi On TV, lam minggu nyoe.
Lam bahasa Melayu geukheun video populer pekan ini di Channel Serambi On TV. Meunan kira-kira.
1. Kisah Shaun Leon Streeter, Mualaf dari Selandia Baro
Keu phon, cerita tentang sidroe mualaf asai Selandia Baro, atau Selandia Baru, atawa New Zealand meunyo lam bahasa Inggreh.
Ureung agam nyoe nan asli geuh Shaun Leon Streeter.
Tapi jinoe ka geuubah nan, jeut keu Mujahid.
Shaun nyoe jinoe kajeut keu syedara seiman atau seakidah, saban lagee geutanyoe.
Gaknyan geuucap kalimah syahadat nibak tanggai 21 Februari 2018 di Masjid di daerah Sunggal, Medan Kota, Sumatera Utara.
Sibuleun lheuh nyan, pah jih nibak tanggal 25 Maret 2018, Shaun geumeunikah ngen aneuk dara asai Setui Banda Aceh, nan geuh Kiki Wulandari, di Mushola Nurul Iman Setui Banda Aceh.
Mulai saat nyan, Bang Shaun ngen Dek Kiki tinggai saboh rumoh di Seutui Banda Aceh.
Ureung nyan na rumoh syit di Lhoknga.
Jinoe siat Bang Shaun ngen Dek Kiki na geumukat risol sueum di Jalan Teuku Umar Simpang Seulawah toe lampu merah.
Video dan cerita lengkap tentang Bang Bule nyoe jeut neunonton bak Channel Serambi On TV dan neubaca bak Serambinews.com
Atau neuklik link di miyub nyoe:
Baca juga: BERITA POPULER Suami Cari Nafkah Istri Malah ke Hotel dengan Mantan hingga Anggota DPRA Adu Jotos
2. KMP Teluk Singkil Meuhayon-hayon Bak Teungoh Laot
Video keudua yang paleng rame ditonton lam minggu nyoe na keuh tentang Kapai Teluk Singkil dipeugah le ureung karap ngob watee lam laot watee dijak u Simeulue.
Kapal Motor Penyeberangan (KMP) Teluk Singkil, meunan geukheun nan kapai nyan, dipeugah singet u nun watee mulai diberangkat dari Labuhan Haji, Aceh Selatan ke Simeulue.
Alhamdulillah, meski penumpang sempat panik watee meuhayon hayon bak teungoh laot, kapai nyoe troh ngen selamat di pelabuhan Sinabang.
Alhamdulillah, man 130 ureung lam kapai nyan mandum selamat.
Lheuh kejadian nyan, awak Dinas Perhubungan Aceh maupun Dinas Perhubungan Simeulue, geupeugah kapai Teluk Singkil nyoe hanjeut jak jeumeurang laot dilee, payah dipeupah baot-baot dilee.
Lagee biasa, video punoh jeut ureung droen kalon bak channel Serambi On TV dan berita neubaca bak Serambinews.com.
Atau neuklik link di miyub nyoe:
Baca juga: BERITA POPULER- Ozil Pasang Foto Masjid Raya, Tentara & Pemerintah Afghanistan Korup, Taliban Menang
3. Dua Aneuk Muda Asai Geumpang Meuninggai Bak Geujak Mita Umpung Ticem Walet di Aceh Barat
Yang keu lhee, dua droe awak mita umpung ticem meuninggai karena roet lam jurang di Aceh Barat.
Kok jeut awak Pidie juoh that geujak mita umpung ticem?
Nyoe kon umpung ticem sembarangan, tapi lam bahasa Melayu geukheun sarang burung walet.
Lam bahasa Aceh sang geukheun umpung ticem walet.
Umpung ticem nyoe yum jih cukop meuhai, karena jeut keu bahan ubat, juga bahan peugot agar-agar.
Seubab nyan keuh, dua ureung dari Pidie nyoe geujak mita raseuki Allah sampe u Aceh Barat.
Tapi lagee seureung geupeugah le Tgk, “manusia hanya bisa merencanakan, Allah lah yang menentukan.”
Ban dua ureung nyoe, roet lam jurang watee geujak mita raseuki Allah.
Kejadian di Gampong Tanoh Mirah, Kecamatan Sungai Mas, Kabupaten Aceh Barat, nibak uroe Senin tanggai 16 Agustus 2021.
Innalillahi wa innailaihi rajiun. Bandum tanyoe berasal dari Allah dan akan tawoe nibak Allah.
Nan dua droe ureung nyoe adalah Dedi (35), warga Gampong Blang Dalam Bulutung, dan Irwan (32), warga Geumpang Keune, Kecamatan Geumpang, Kabupaten Pidie.
Host : Zainal Arifin M Nur
Editor : Syamsul Azman
Baca juga: BERITA POPULER Suami Cari Nafkah Istri Malah ke Hotel dengan Mantan hingga Anggota DPRA Adu Jotos
Baca juga: BERITA POPULER- Ozil Pasang Foto Masjid Raya, Tentara & Pemerintah Afghanistan Korup, Taliban Menang
Baca juga: BERITA POPULER - Hari Terakhir Prof Farid Wajdi, Putra Aceh Kerja di Facebook, Duel Maut di Singkil
