VIDEO Berita Lam Bahasa Aceh - Kapolda Aceh Peuturi Buku Polda Aceh Meutuah

SERAMBINEWS.COM - Ulee pulisi atawa Kapolda Aceh, Irjen Pol. Marzuki Ali Basyah, geupeutubiet dan geuturi buku yang geuboh judul “Polda Aceh Meutuah: Sabe Tajaga Aceh Mulia”.

Acara peuturi buku nyoe geupeugot nibak Aula Landmark BSI Aceh, di Banda Aceh, uroe Rabu tanggai 3 Juni 2026.
Buku nyoe meuasoe teuntang kisah udep Pak Marzuki Ali Basyah, dari masa ubit di Tangse, Kabupaten Pidie, sampoe hingga jeut keu ureung lumboi sa bak Polda Aceh.

Acara peuturi buku nyoe geuhadiri le Sekretaris Daerah Aceh, M Nasir Syamaun, Anggota DPR RI, HT Ibrahim, Tuha Peut Wali Nanggroe Aceh, Sulaiman Abda, unsur Forkopimda Aceh, ulee-ulee beng dan BUMN serta BUMD di Aceh, para bupati dan wali kota se-Aceh, seureuta para ulee pulisi di daerah atawa Kapolres dan Kapolresta se-Aceh.

Acara peuturi buku nyoe geupeujak meusigo ngen diskusi yang geupandu le akademisi FISIP Universitas Syiah Kuala Dr. Effendi Hasan.

Lam buku yang geutuleh le Doktor Nurlis Effendi juga geucetet tentang meubagoe tantangan dan ide nyang geupeujak le Irjen Marzuki seulama gobnyan geumpimpin Polda Aceh sejak Agustus 2025.

Salah saboh bagian nyang cukop peunteng lam buku nyoe, nyakni tentang kiban Irjen Marzuki geumaju dan geupimpin ureung watee Aceh keunong musibah bencana ekologis akhe thon 2025.

Di teungoh-teungoh keuadaan Aceh nyang hana meuteuntee watee nyan, Pak Marzuki geumpimpin pulisi di Aceh, supaya tetap geulayani masyarakat.

Baca juga: Wariskan Gagasan Jaga Aceh Mulia, Kapolda Luncurkan Buku "Polda Aceh Meutuah"

Bak watee yang saban, Kapolda pih geupeupasti bahwa masyarakat nyang keunong bencana meuteumee bantuan nyang bagah. 

Lam buku nyoe lom, meucetet upaya Polda Aceh lam geutangani dan geupeuseuleusoe masalah, lagee aktivitas tambang ilegal hingga geutindak awak huep ganja, sabee, dan meubagoe buet jeuheut laen.
Buku nyoe juga geuploh bandum tentang konsep “Polda Aceh Meutuah” nyang geupeugabong nilai-nilai kearifan lokal Aceh ke lam buet lembaga keupulisian di Aceh.

Buku nyoe geutuleh le Doktor Nurlis Effendi nyang merupakan sidroe beukas wartawan senior dan jinoe dipeucaya seubagoe juru penerangan Poprintah Aceh di miyub ulee poprintah Mualem – Dek Fadh. 

Doktor Nurlis geupakat dua droe rakan untuk mengedit atawa geupeubeutoi areh kata nyang kadang na salah. 

Dua editor nyoe nakeuh Prof. Rustam Efendi, guru besar Universitas Syiah Kuala, dan Zainal Arifin M. Nur Pemimpin Redaksi Harian Serambi Indonesia.

Buku yang cukop tubai tapi phui nyoe, dicetak nibak PT Aceh Media Grafika, saboh perusahaan di Aceh nyang na di kanto koran Serambi Indonesia. 

Kualitas cetak buku nyoe geupeujoe le Wali Kota Banda Aceh Illiza Sa’aduddin Djamal dan akademisi UIN Ar-Raniry Dr. Reza Indria.
Menurut ureung nyan dua, kualitas cetak dan keureutak yang dipakek cukop get dan meusaneut. 

Buku nyoe tubai jih lubeh 250 halaman dan ukuran jih pih rayek, tapi hana meuri geuhon watee geumat. 

Lubeh lom, aksara tulesan buku juga rayeuk, hana saket mata watee dibaca, ngen desain mewah leungkap ngen foto-foto kegiatan Pak Marzuki dari jameun watee manyak, sampoe watee kajeut keu Kapolda.(*)