VIDEO - Saboh Keuluarga di Malaysia Jitheun Moto Sultan Pahang Jak Cuba Nasib

SERAMBINEWS.COM - Assalamualaikum Syedara Loen.

Meureumpok loem lam program Berita Lam Bahasa Aceh.  

Saboh buët nyang beuhe nyang jijak lé putôh asa, jipeugot akhé nyang that meusentuh keu saboh keuluarga ubit di Malaysia.

Demi peuakhé masa preh nyang cukup panyang, hudép hana listrék karab 13 thôn, sidroë ureuëng agam, peurumoh ngeun aneuk gobnyan deungon beuhe geupeutheun konvoi resmi Sultan Pahang, Al-Sultan Abdullah Ri'ayatuddin Al-Mustafa Billah Shah. 

Baca juga: Tiga Tim SMA Negeri Modal Bangsa Borong Tiga Medali Emas di Ajang WYIE Malaysia

Deungon saboh spanduk sederhana nyang geupeuleumah di binèh jalan, keluarga nyan jeut geucoek haté raja nyang akhee jih jeut keu meu-ubah nasib awaknyan dalam siat.

Meunurot haba dari Malaysia Gazette ngeun Sinar Harian, momen dramatis nyoe, nyang teujadi bak uroe Minggu, tanggai 17 Mei 2026, jicok lam video 5 minet, 45 detik.

Meunurot amatan Serambinews.com, bak uroe Hameh, video nyan ka ji peusapat leubeh dari 1,7 juta views dan ji peusapat leubeh dari 62.000 reaksi dari netizen, sejak ji peu ek bak media sosial lhee uroe nyang u likoet, nibak tanggai 18 Mei 2026.

Lam video nyan, ureung nyan deuh jidong bak bahu jalan ngeun peurumoh dan aneuk miet jih nyang mantong manyak. Bak watèë konvoi raja ka deuh, gobnyan langsông geubuka saboh spanduk nyang meuasoë, “ Ampun Tuanku mohon berhenti sekejap” atawa lam bahasa Aceh meuarti "Ampon Tuan loen, neupiyôh siat."

Meunuroet cerita, awak nyan teupaksa geucok tindakan beuhe nyoe lheuh meurasa teusangkot. Pasai jih, seulama leubeh dari siploh thoen, tempat tinggai awak nyan hana ditamoeng listrék.

Untok peuneurang, tiep malam awak nyan teupaksa meugantung bak lampu minyeuk atawa ngen batere yang geucas ngeun tenaga matauroe.

Lam saboh unggahan nyang baro, geupeugah bahwa permintaan listrék nyan memang baro geuajukan bak thoen 2025, namun hana meurumpok hase nyang geut.

Baca juga: Penyelundupan 527 Gram Emas Batangan ke Malaysia Digagalkan di Bandara SIM

Kareuna ka putoh asa dan meurumpok dengeun jalan buntu, awak nyan teupaksa geucoek buet geu hadang konvoi rombongan Sultan Pahang bak  jalan.

Buet beuhe nyoe rupajih langsong jiteumee perhatian Sultan Abdullah, sosok nyang dituri seubagoe raja nyang that ramah dan meurakyat.

Sang raja langsong geubri peurintah keu awak jaga pribadi gobnyan untuk geupeutheun kenderaan nyan.

Sultan Pahang langsong geubuka jendela moto untuk ji deungoe langsong su rakyat jih.